ताप्लेजुङ - नेपाल पुलिस क्लबलाई पराजित गर्दै झापा ११ सेमिफाइनलमा प्रवेश गरेसँगै अन्तर्राष्ट्रिय आमन्त्रण ताप्लेजुङ गोल्डकपको सेमिफाइनलको समीकरण पुरा भएको छ । सोमबार क्वार्टरफाइनलको अन्तिम खेल सम्पन्न भएसँगै सेमिफाइनलको समीकरण पुरा भएको हो ।

नेपाल पुलिस क्लबलाई १–० गोल अन्तरले पराजित गर्दै झापा ११ सेमिफाइनलमा प्रवेश गरेको छ । खेल सुरु भएको पाँचौँ मिनेटमा झापाका आयुश घलानले गर्नुभएको पहिलो गोल नै जितका लागि पर्याप्त बनेको छ । नेपाल पुलिसले खेललाई समयावधि भरि दबाबमा राखेपनि कुनै गोल गर्न नसक्दा क्वार्टरफाइनलबाटै बाहिरिन बाध्य भएको छ ।

झापाले नेपाल पुलिसलाई पराजित गरे सँगै अब सेमिफाइनलमा फिदिम स्पोर्टिङ क्लब सँगको भेट पक्का गरेको छ । फिदिमले चित्लाङ एफसीलाई ट्राइबेकरमा ४–३ गोल अन्तरले पराजित गर्दै सेमिफाइनलमा स्थान बनाएको थियो । यो दुई टीम बिचको खेल भदौ १७ गते हुनेछ ।

यस्तै भोलि सेमिफाइनलको पहिलो खेलमा भारतको जर्जियन युनाइटेड फुटबल क्लब र सिराहाको सलहेश युबा क्लबबीच भिडन्त हुँदैछ । भारतले आयोजक ताप्लेजुङ ११ लाई २–१ तथा सिराहाले सातदोबाटो एफसीलाई ट्राइबेकरमा ४–३ गोलले हराउँदै सेमिफाइनलको यात्रा तय गरेका थिए ।

भदौ १९ गते हुने प्रतियोगिताको विजेताले नगद ७ लाख २ हजार ८३ रुपैयाँ र उपविजेताले ३ लाख ५२ हजार ८३ रुपैयाँ सहित ट्रफी, मेडल र प्रमाण पत्र प्राप्त गर्नेछन् ।

खेबाङमा आजदेखि खेलकुद महोत्सव

ताप्लेजुङ, कात्तिक १६ गते । ताप्लेजुङको सिरिजङ्गा गाउँपालिका–५ खेबाङमा आजदेखि खेलकुद महोत्सव सुरु हुँदै छ । खेबाङ स्पोर्टिङ क्लबको आयोजनामा

एन्फा अध्यक्ष नेम्वाङ र महासचिव राईलाई धरौटीमा रिहा गर्न अदालतको आदेश

काठमाण्डाै – जिल्ला अदालत ललितपुरले अखिल नेपाल फुटबल सङ्घ (एन्फा) का अध्यक्ष पङ्कजविक्रम नेम्वाङ र महासचिव किरण राईलाई धरौटीमा छाड्न आदेश दिएको छ

तेश्रो फङ्फङदेन झरना पर्यटन तथा सांस्कृतिक मेला मंसिर २ गतेदेखि

ताप्लेजुङ – तेश्रो फङ्फङदेन झरना पर्यटन तथा सांस्कृतिक मेला आगामी मंसिर २ गतेदेखि हुने भएको छ । फङ्फङदेन झरना पर्यटन विकास समितिको आयोजना