ताप्लेजुङमा ९७ प्रतिशत धान रोपाइँ
ताप्लेजुङ - ताप्लेजुङमा गत वर्षको तुलना यस वर्ष करिब २१ प्रतिशत बढी धान रोपाइँ भएको छ । जिल्लाका विभिन्न कृषियोग्य जमिनमा गतवर्षको तुलनामा यसवर्षको हालसम्म २१ प्रतिशत बढी धान रोपाइँ भएको हो ।
कृषि ज्ञान केन्द्र ताप्लेजुङका निमित्त कार्यालय प्रमुख तथा कृषि प्रसार अधिकृत विजय श्रेष्ठका अनुसार यस वर्ष ९७ प्रतिशत बढी रोपाइँ सम्पन्न भएको छ । उहाँका अनुसार गत वर्षको यही अवधिसम्ममा ७६ प्रतिशत मात्र रोपाइँ सम्पन्न भएको थियो ।
जिल्लाका ५ हजार ४९६ हेक्टर क्षेत्रफलमा रोपाइँ सम्पन्न भएको छ । उहाँका अनुसार कुल ५ हजार ६ सय ६६ हेक्टर क्षेत्रफलमध्ये हालसम्म ५ हजार ४९६ बढी हेक्टर क्षेत्रमा रोपाइँ सम्पन्न भएको केन्द्रले जनाएको छ ।
यस वर्ष समयमै वर्षा भएकाले गत वर्षको तुलनामा बढी कृषकले रोपाइँ गर्न सफल भएको अधिकृत श्रेष्ठको भनाइ छ । ताप्लेजुङ सहितका जिल्लामा यस वर्ष गत फागुन अन्तिम सातादेखि नै निरन्तर वर्षा भइरहेको छ । जसका कारण कृषकलाई सिँचाइ पर्याप्त हुँदा समयमा नै धानको बिउ राखेकाले धेरै रोपाइँ भएको कार्यालयको भनाइ छ ।
अधिकृत श्रेष्ठका अनुसार ताप्लेजुङमा करिब डेढ महिनाको अवधिमा ७२ प्रतिशत बढी रोपाइँ भएको छ । गत असार १५ गतेसम्ममा करिब २५ प्रतिशत मात्र रोपाइँ थियो । असार १५ देखि यता प्रमुख सिजन भएकाले रोपाइ ह्वात्तै वृद्धि भएको कार्यालयको भनाइ छ ।
कार्यालयका अनुसार अहिले पनि जिल्लाका होचा भूभागमा रोपाइँको कार्य जारी रहेको छ । ताप्लेजुङमा भदौ पहिलो सातासम्म रोपाइँ हुने गरेको छ । भदौ पहिलो सातासम्ममा कुल क्षेत्रफलको करिब ९५ प्रतिशत भूभागमा रोपाइँ हुने कार्यालयको प्रक्षेपण रहेको थियो तर, साउन अन्तिममा नै ९७ प्रतिशत बढि रोपाइँ सम्पन्न भएको छ ।
ताप्लेजुङमा खाद्य व्यवस्था तथा व्यापार कम्पनी लिमिटेडद्वारा विशेष छुटमा चामल बिक्री सुरु
ताप्लेजुङ - खाद्य व्यवस्था तथा व्यापार कम्पनी लिमिटेड ताप्लेजुङले विशेष छुटमा चामल बिक्री गर्न सुरु गरेको छ । बिहीबारदेखि नै खाद्य व्यवस्थाले
ताप्लेजुङ गोल्ड कपमा सहभागी हुने आठवटै टिमको टुङ्गो लाग्यो
ताप्लेजुङ - अन्तराष्ट्रिय आमन्त्रण ताप्लेजुङ गोल्डको चौथो संस्करणमा सहभागी हुने आठवटै टिमको टुङ्गो लागेको छ । आगामी भदौ १२ गतेदेखि सुरु हुने
तीजमा ताप्लेजुङ सम्झाउँदै अन्जु, जुनु र देवीका
काठमाडौँ - यस वर्षको तीजको अवसरमा ताप्लेजुङ समाज नेपालले काठमाडौँमा ‘हरितालिका तीज तथा ताप्लेजुङ नारी सम्मान कार्यक्रम–२०८३’ आयोजना गर्दैछ
प्रतिकृया दिनुहोस