कांग्रेस प्रदेश र जिल्ला अधिवेशन मङ्सिरमा
काठमाडौँ । नेपाली कांग्रेसका जिल्ला र प्रदेश अधिवेशन मङ्सिरमा हुने भएको छ । नवनिर्वाचित महामन्त्री उदयशमशेर राणाले गर्न बाँकी जिल्ला र प्रदेश अधिवेशन मंसिर मसान्तसम्म गरिसक्ने तर, मिति केन्द्रीय कार्यसमितिको बैठकबाट टुङ्गो लगाउने जानकारी दिए ।
‘बाँकी रहेका जिल्ला र प्रदेश अधिवेशन मङ्सिरमा गरिसक्छौँ । मिति भने टुङ्गो लागेको छैन,’ महामन्त्री राणाले रातोपाटीसँग भने,’ भोलि (बिहीबार) नवनिर्वाचित केन्द्रीय कार्यसमितिको शपथ छ । शपथपछि केन्द्रीय कार्यसमितिको बैठक बसेर मिति तय गछौँ । त्यो छठ पछि लगत्तै पनि हुन सक्छ । मङ्सिरको अन्तिममा पनि हुन सक्छ । केन्द्रीय समितिको बैठकबाट निर्णय हुन्छ ।’
गत असोज १८ देखि २३ गतेसम्म १५ औँ महाधिवेशन गरेको कांग्रेसले त्यो बेला जिल्ला र प्रदेश अधिवेशन बाँकी राखेर मातहतका अरू अधिवेशन मात्रै गरेको थियो । वडा, पालिका, प्रदेश सभा क्षेत्र र प्रतिनिधि सभा क्षेत्रको अधिवेशन गरेर सिधै केन्द्रीय महाधिवेशन गरिएको थियो ।
केन्द्रको महाधिवेशनका लागि आवश्यक पर्ने अधिवेशन गरेर नपर्ने अधिवेशनलाई समयको चापका कारण कांग्रेसले महाधिवेशन पछिका लागि राखेको थियो ।
एउटा निर्वाचन क्षेत्र भएका ३५ जिल्लामा जिल्ला अधिवेशन भइसकेको छ भने बाँकी ४२ जिल्लामा अधिवेशन गर्न बाँकी छ । निर्वाचन क्षेत्रबाट महाधिवेशन प्रतिनिधि छानिने भएकाले एउटा निर्वाचन क्षेत्र भएका जिल्लामा अधिवेशन गरिएको हो ।
केन्द्रीय निर्वाचन समितिका सदस्यसचिव अधिवक्ता राजु कटुवालले नवनिर्वाचित केन्द्रीय समितिले जिल्ला र प्रदेश अधिवेशनको मिति तय गर्ने जानकारी दिए । तर अधिवेशनको समय मङ्सिरभन्दा पर नजाने उनको भनाइ थियो ।
देश गम्भीर अवस्थामा छ, नयाँ आन्दोलनका लागि तयार रहनुस् : ओली
काठमाडौँ : नेकपा एमालेका अध्यक्ष केपी शर्मा ओलीले देश गम्भीर अवस्थामा रहेकाले आन्दोलनका लागि तयार रहन निर्देशन दिएका छन् । उनले नयाँ आन्दोलनको
तरुण दलको स्थापना दिवसमा बिरामीहरूलाई फलफूल वितरण
ताप्लेजुङ - नेपाली कांग्रेसको भातृ संस्था नेपाल तरुण दलको ७३ औँ स्थापना दिवसको अवसरमा जिल्ला अस्पताल ताप्लेजुङमा उपचाररत बिरामीहरूलाई फलफूल
प्रधानमन्त्री राहत कोषमा मौज्दात १८ अर्ब नाघ्यो
काठमाण्डौ – भोटेकोशी नदीमा आएको बाढीपछि प्रधानमन्त्री दैवी प्रकोप उद्धार कोष र प्रधानमन्त्री राहत कोषमा आर्थिक सहयोग जुट्ने क्रम अझै चलिरहेको छ
प्रतिकृया दिनुहोस