टेलिकमको सेयर : जनता ढाँटिदै छन्

अर्थ मन्त्रालयले आफूसँग रहेको नेपाल टेलिकमको सेयर बिक्रीका लागि नागरिक लगानी कोषलाई बिक्री प्रबन्धक तोकेर सार्वजनिक सूचना प्रकाशित गरिसकेको छ । सुरूमै महँगो प्रिमियम जोडेर बढाबढमा बिक्री गर्न लागेको यो सेयर सार्वजनिक निष्कासन भने होइन । सरकारले आफूसँग रहेको टेलिकमको सेयर बेचेको मात्र हो । त्यसैले यो सेयर धितोपत्र बजारमा सूचीकृत हुन कानुनले दिँदैन । कुनै पनि कम्पनीले सार्वजनिक निष्कासन नगरी धितोपत्र बजारमा सूचीकृत हुन नसक्ने प्रावधान छ ।

टेलिकमको सेयर पनि मात्र सरकारको हातबाट अरूको हातमा पुर्‍याउने गरी निष्कासन गरिएको छ । यो त केही समयअघि नेपाल औद्योगिक विकास निगमले नबिल बैंकको संस्थापक सेयर बिक्री गरेजस्तै हो । त्यति बेला निगमबाट सेयर किन्नेहरू जसरी संस्थापककै हैसियतमा रहे र धितोपत्र बजारबाट बिक्री गर्न सकेनन् त्यसै गरी टेलिकमको सेयर किन्नेहरू पनि हिजो अर्थमन्त्रालयले सेयर होल्ड गर्दाकै अवस्थामा रहन्छन् भन्ने कानुनले देखाउँछ । त्यसैले यो सेयरमा जनताले करोडौं लगानी गर्छन् र भोलि कानुनतः सूचीकृत हुन नसक्ने अवस्था सिर्जना भएर विक्री गर्न पाएनन् भने के गर्ने भन्ने विकल्प सरकारसँग छ त ? यसका लागि कि कानुन मिच्नुपर्छ कि कानुन परिवर्तन गर्नुपर्छ । त्यसले यसबारे नियमन निकायहरूसहित सरकारको पनि धारणा सार्वजनिक गरोस् ।

यस्तै सेयर मूल्य घटाउन अनेक भाषणमात्र होइन, बाजागाजा नै बजाउँदैै हिँड्ने धितोपत्र बोर्डलगायत राष्ट्र बैंकसँग पनि मेरा केही जिज्ञासा छन् । केही समययता केही कम्पनीको सेयर अनावश्यक रूपले बढाएको छ भन्ने तर्कप्रति म सहमत छु । तर, तिनको मूल्य घटाउने नाममा नियमन निकायहरू सेयरप्रति सकेसम्म सर्वसाधारणमा वितृष्णा फैलाउन चाहन्छन् र सेयरलाई कागजको खोस्टामा सीमित गर्न चाहन्छन् भन्ने यिनीहरूको पछिल्लो हर्कतले देखाएको छ । मार्जन ऋणमा रोक, बैंकका तरलताको कमी, विभिन्न नयाँ कम्पनीहरूको नयाँ सेयर निष्कासन आदि कारण दोस्रो बजारमा समस्या सिर्जना भए पनि नियमन निकायको चेत खुलेको देखिन्न ।

प्रतिकृया दिनुहोस

चिनीको मूल्य बढाउन फेरि चलखेल

काठमाडौं, पुस ३० । व्यवसायीले चिनीको मूल्य बढाउन फेरि चलखेल सुरु गरेका छन् । स्वदेशी उद्योग प्रवर्द्धनको नाममा दशैंको मुखमा आयात बन्द गराउन सफल

एउटै औषधिको मूल्य अन्तर आठ गुणा बढी

काठमाडौं । सरकारले औषधि बजारमा प्रभावकारी अनुगमन नगर्दा उपभोक्ता चर्को मूल्य तिर्न बाध्य भएका छन् । औषधि व्यवस्था विभागले औषधिको उचित मूल्य

कञ्चनजंघा सामुदायिक बहुमुखी सहकारी संस्थाको १५ औँ वार्षिक साधारणसभा सम्पन्न

ताप्लेजुङ / बिपद्का समयमा आफ्ना शेयर सदस्यहरुलाई प्रदान गर्दै आएको राहत लगायतका कार्यक्रमलाई निरन्तरता दिने योजना सहित कञ्चनजंघा सामुदायिक बहुमुखी