Date Monday, 2018 Jul 16
Studio Time 04:20:00 NST
News »
खेलकुद
रुस विश्वकपको दोस्रो चरणनजिक, इजिप्ट समूह चरणबाटै बाहिरियो (गोल भिडियो)

 

 

 

news

काठमाडौं, असार ६ । इजिप्टलाई पाखा लगाउँदै रुस विश्वकप फुटबलको दोस्रो चरणनजिक पुगेको छ ।

समूह ‘ए’को दोस्रो चरणको खेलमा मंगलबार राति आयोजक रुसले इजिप्टलाई ३–१ ले हरायो ।

खेलको ४७औं मिनेटमा इजिप्टका अहमद फाथीले आत्माघाती गोल गरेपछि रुसले सुरुआती अग्रता लिएको थियो ।

५९औं मिनेटमा डेनिस चेरिसेभले एक गोल थप्दै रुसको अग्रता दोब्बर पारे । जारी विश्वकपमा चेरिसेभको यो तेस्रो गोल हो ।

त्यसको तीन मिनेट पनि बित्न नपाउँदै आर्तेम जुबाले एक गोल थप्दै रुसको अग्रता फराकिलो पारे ।

खेलको ७३औं मिनेटमा इजिप्टले एक गोल फर्कायो । इजिप्टका लागि मोहोम्द सालाहले पेनाल्टीमार्फत् उक्त गोल गरेका हुन् ।

जितसँगै रुस विश्वकप फुटबलको दोस्रो चरणमा पुग्ने सम्भावनानजिक पुगेको छ । लगातार दुई खेल जितेको रुसको ६ अंक छ ।

बुधबार राति हुने खेलमा उरुग्वेले साउदी अरबियालाई हराएको खन्डमा यो समूहबाट रुस र उरुग्वे अर्को चरणमा उक्लनेछन् ।

इजिप्ट भने समूह चरणबाटै बाहिरिने पहिलो टोली बनेको छ ।

Program Schedule
Radio Opening 5.00AM - 12.00AM News Sajhakhabar (CIN) 6.00AM - 6.30AM 10 Minute 6.30AM - 6.40AM Add 6.40AM - 6.45AM Rasifal 6.45AM - 7.00AM Limbu News 7.00AM - 7.10AM View all
Dedicate A Song
Public Poll

Loading...