Date Monday, 2018 Jul 23
Studio Time 04:20:00 NST
News »
अन्तरास्ट्रिय
इरानको विषयमा रुसद्वारा अमेरिकाको आलोचना, आन्तरिक मामिलामा चासो देखाएको आरोप

काठमाडौं, पुस २२ । इरानमा जारी सरकार विरोधी प्रदर्शनका विषयमा संयुक्त राष्ट्र संघको सुरक्षा परिषद्मा अमेरिकाले छलफल गर्न बाध्य पारेको भन्दै रुसले आलोचना गरेको छ ।

कुनै देशको आन्तरिक मामिलामा संयुक्त राष्ट्र संघ जस्तो निकायले चासो दिँदा संयुक्त राष्ट्र संघको उच्च निकायको विश्वसनीयता र प्रभावकारिता गुम्ने भन्दै रुसले अमेरिकाको आलोचना गरेको हो ।

संयुक्त राष्ट्र संघका लागि रुसी राजदूत वासिली नेबेन्जियाले इरानको प्रदर्शन आन्तरिक मामिला रहेको र सुरक्षा परिषद्ले हात हाल्नु आफ्नै विश्वसनीयता गुमाउनु रहेको बताए ।

यसअघि संयुक्त राष्ट्रसंघका लागि अमेरिकी राजदूत निक्की हेलीले प्रदर्शनको समर्थन गर्दै ‘बहादुर’ नागरिकको शक्तिशाली प्रदर्शन भन्दै प्रशंसा गरेका थिए ।

संयुक्त राष्ट्रसंघका लागि इरानी राजदूतले अमेरिकाले सुरक्षा परिषद्को स्थायी सदस्यका रुपमा आफूले पाएको अधिकारको दुरुपयोग गरेको बताए ।

इरानमा भइरहेको प्रदर्शनका बारेमा छलफल गर्न अमेरिकाले संयुक्त राष्ट्रसंघीय सुरक्षा परिषद्को आकस्मिक बैठक बोलाएको हो ।

यसमा रुसले आलोचना गरेको हो । इरानमा गएको हप्ता मूल्य वृद्धि तथा खस्किँदै गएको जीवनस्तरको विरोधमा सुरु भएको प्रदर्शनले सरकार विरोधी प्रदर्शनको रुप लिएको छ ।

अमेरिकाले प्रदर्शनकारीको समर्थन तथा सरकारको विरोधमा आवाज उठाउँदै आएको छ । इरानमा भइरहेको प्रदर्शनको क्रममा अहिलेसम्म कम्तिमा २१ जनाको मृत्यु भएको छ । (एजेन्सी) 

Program Schedule
News Sajhakhabar (CIN) 7.30PM - 8.00PM Add & Songs 8.00PM - 8.15PM BBC Nepali Sewa 8.45PM - 9.15PM Radio Off 10.00PM - 12.00AM Samjhanaka palharu 8.15PM - 8.45PM Maha Adalat (AFN) 9.15PM - 10.00PM View all
Dedicate A Song
Public Poll

Loading...