Date Tuesday, 2017 Dec 12
Studio Time 04:20:00 NST
News »
अन्तरास्ट्रिय
जर्मनीको चान्सलरमा एङ्गेला मर्केल चौथो कार्यकालका लागि निर्वाचित

काठमाडौं, असोज ९ । जर्मनीको चान्सलरमा एङ्गेला मर्केल चौथो कार्यकालका लागि निर्वाचित भएकी छन् ।

जर्मनीमा भएको चुनावमा मर्केल चौथो कार्यकालका लागि निर्वाचित भएकी हुन् ।

उनी निर्वाचित भए पनि संघीय चुनावमा उनको पार्टी कन्जरभेटिभ सिडियु÷सिएसयुले भने राम्रो नतिजा ल्याउन सकेको छैन ।

उनको पार्टीले ३२ दशमलव ५ प्रतिशत मत ल्याउँदै संसद्को पहिलो पार्टी बन्ने देखिएको सर्वेक्षणहरुले देखाएका छन् ।

यसले संसद्मा पहिलो पार्टी बने पनि मर्केलको पार्टीले बहुमत भने नल्याउने पक्का भएको छ ।

यो पछिल्लो ७० वर्षमा सिडियु÷सिएसयु पार्टीको संघीय चुनावमा सबै भन्दा खराब नतिजा हो ।

मर्केलको पार्टीसँग अहिले गठबन्धनमा रहेको सोसल डेमोक्रयाटिक एसपिडी पार्टीले चुनावमा बेहोरेको हारपछि प्रतिपक्षमा जाने निर्णय गरेको छ ।

उसले जम्मा २० प्रतिशत मत प्राप्त गर्ने अनुमान गरिएको छ । द नेसनलिस्ट एएफडी पार्टी संसद्मा तेस्रो पार्टी बन्ने देखिएको छ ।

उसले १३ दशमलव ५ प्रतिशत मत प्राप्त गर्ने बताइएको छ । झन्डै ६ दशकको इतिहासमा नेसनलिस्ट पार्टी जर्मनीको संसद्मा प्रवेश गर्न लागेको यो पहिलो पटक हो ।(एजेन्सी) 

Program Schedule
Radio Opening 5.00AM - 12.00AM News Sajhakhabar (CIN) 6.00AM - 6.30AM 10 Minute 6.30AM - 6.40AM Add 6.40AM - 6.45AM Rasifal 6.45AM - 7.00AM Limbu News 7.00AM - 7.10AM View all
Dedicate A Song
Public Poll

Loading...