Date Monday, 2018 Jun 25
Studio Time 04:20:00 NST
News »
घटना - दुर्घटना
डोटीमा जिप दुर्घटना हुँदा ९ जनाको मृत्यु, ४ जना घाईते

 
 
दिपायलदेखी चवरा चौताराका लागि हिँडेको से १ ज ४९१ नम्बरको जिप राती करिब १० बजेतिर बोगटान गाउँपालिका–६ गगुडाको कटैगाउँ धार भन्ने ठाउँमा दुर्घटनामा परेको हो ।
 
मृत्यु हुनेमा एकजना महिला र ८ जना पुरुष रहेको जिल्ला प्रहरी कार्यालय डोटीले जनाएको छ ।
 
मृतकहरुमध्ये सवार सबै बोगटान गाउँपालिका–१ सिमचौर चपरर्तोलाका हुन् । यद्यपी उनीहरुको सनाखत भने भैसकेको छैन् ।
 
चालक बिष्णु नेगी शिखर नगरपालिका–१ कपल्लेकी डोटीका स्थायी बासिन्दा हुन् ।
 
घाईतेहरु चारैजना पुरुष हुन् । उनीहरुको अबस्था नाजुक रहेको नायब प्रहरी उपरिक्षक शिब बहादुर सिंहले जानकारी दिए ।
 
उनीहरुलाई उपचारका लागि दिपायल स्थित सुजंग अस्पताल लगिएको छ ।
 
दिपायल आइपुग्न ५ घण्टाभन्दा बढी समय लाग्ने भएकाले अझै उनीहरुको अबस्था चिन्ताजनक रहेको उनले बताए ।
 
जिप सडकबाट करिब चार सय मिटर तल खसेको छ । जीपमा कुल १६ जना सवार थिए । सवारमध्ये ३ जनाको अबस्था सामान्य छ ।
 

उनीहरुले हामफालेर ज्यान जोगाएको जनाएका छन् । बर्खाको चिप्लो कच्ची सडकमा क्षमताभन्दा बढी यात्रु बोकेका कारण दुर्घटनामा परेको प्रहरीको प्रारम्भिक अनुमान छ । 
 

Program Schedule
10 Minute 6.30AM - 6.40AM Add 6.40AM - 6.45AM Rasifal 6.45AM - 7.00AM Limbu News 7.00AM - 7.10AM Add 7.10AM - 7.15AM School Tution 8.00AM - 8.25AM View all
Dedicate A Song
Public Poll

Loading...